Ni 4 April, 2025 zanah Harhna Thlen Ni Champha Vawi 119-na hman a ni a. Upa K. Darthangan inkhawm hruaiin Pi Ramengi tantu a ni a. Kohhran Zaipawlin hla remin Upa H. Lalthankhuman ‘Min Tiharh leh Dawn Lo’m Ni?’ tih thupui a sawi a. Inkhawm banah thingpui inho a ni.
15 March 2025 hi Chanchin Tha Thlen Ni niin hemi pual bik inkhawmah hian Upa Lalhmunsanga chairman niin Pi V. Zonunpari tantu a ni a. Kohhran Zaipawl ten hla remin Rev. David Lalramliana, Field Secretary, Upper Assam chuan thupui ruahman lawk ‘Chanchin Tha leh Mizo Hnam Nun’ tih a sawi a ni. Inkhawm banah kohhran hoten thingpui kan inho a ni.
Ni 12.10.2024 (Inrinni) chawhma dar 10:00 khan Aizawl East Presbytery Inkhawmpui ni thumna neih a ni a. Chawhma hi rorel inkhawm a ni. Chhun thingpui in zawhah chawhnu inkhawm neih chhunzawm a ni a, tlai dar 4:20 ah rorel an zo va, Rev. R. Lalchangliana’n malsawmnain inkhawm a tin.