Republic Vengthlang Kohhran hi Republic Veng Kohhran aṭanga indang a ni a. Republic Veng Kohhran chu kum 1988 a lo her chhuah chuan dan zawhkim pawh mi 2028 lai an awm ta a. Kohhran member an lo ṭhathnem tâkah chuan member ṭangkai zawk neih belh zel dan tur ngaihtuah a lo ṭul ta a. Ni 28.03.1988 (Thawhṭanni) zana Republic Veng Kohhran Special Committee rorel chuan, Republic vengchhak leh Republic vengthlang lamah May ni 7, 1988 (Inrinni) zan aṭangin inrinni zan apiangin inkhawm hranna neih ni sela, tiin a rel a. Hemi lo bawhzui tur hian vengchhak lamah member 14 leh vengthlang lamah member 13 awmna committee a din nghal a.
Vengthlang lam tana Committee member te chu ni 12.04.1988 (Thawhlehni) zanah ṭhukhawmin Executive Body siam a ni a, hetiangin :-
Chairman : Upa Manthanga
Vice Chairman : Upa J. Lalhlima
Secretary : Pu Siliana
Assistant Secretary : Pu Kalkhama
Member te:
1. Upa L. Biakchhunga
2. Pu R. Kapliana
3. Pu K. Thanhlira
4. Pu PC. Lianhrima
5. Pu R. Vanlalchhuanga
6. Pu R. Sawiṭhuama
7. Upa Thangkima
8. Upa R. Challawma
9. Pu B. Laltawna
May ni 7, 1988 Inrinni zan aṭang chuan Pu K. Thanhlira inah inkhawm a ni a, hun eng emaw chen mimal ina inkhawm a nih hnu hian inkhawmna tur in luah tur hmuh a ni ta a, chutah chuan October ni 15 aṭangin inkhawm ṭan ni. Inkhawmna hmunah hian Maicham dawhkan leh Pulpit a la awm loh avangin Inkhawm apiangin in neitute dawhkan hawhchawp a ni a, thuhriltute phei chu chairman sira dingin thu an sawi mai ṭhin. He inkhawmna in luah hi November ni 14, 1990 thleng inkhawm nan hman a ni a, October 2, 1993 ah a pumin chhuahsan fel chauh a ni.
Kum 1989 ah chuan Kohhran Committee rorel chuan Nilai zan leh Pathianni zan inkhawmte a pek belh leh ta a, a enkawltu committee hming pawh Vengthlang lam inrinni zan inkhawm hrang committee tih chu siam ṭhain, Vengthlang Lam Inkhawm Hrang Committee tih a ni ta a, chuta committee member te chu heng mite hi an ni :–
Chairman : Upa Manthanga
Vice Chairman : Upa J. Lalhlima
Secretary : Pu Siliana
Secretary i/c Finance : Pu K. Saichhinga
Member te:
1. Rev. Lalthanga
2. Pu Kalkhama
3. Upa R. Lalhuapzauva
4. Pu R. Sawithuama
5. Pu K. Thanhlira
6. Pu K.L. Buala
7. Pu H. Rosiama
8. Pu B. Laltawna
9. Upa Lalthianghlima
10. Upa R. Biakkunga
11. Upa R. Challawma
12. Pu PC. Lianhrima
13. T.Upa R. Kapliana
14. Pu R. Thangchhuma
15. Pu R. Vanlalchhuanga
16. Upa Thangkima
Kohhran mipuite rilruah kohhran indan hial a lo lan chhoh tak zel avangin, Inkhawm Hrang Committee ni 30.10.1989 (Thawhṭanni) zana ṭhukhawm chuan Preaching Station-a dah tura rawtna thlen a ti tlu a. Kohhran Committee-ah thlenin, January ni 1, 1990 aṭanga Preaching Station a awm turin a rel a, Preaching Station Committee member pawh a siam a, hetiangin :-
Chairman : Upa Zalawma (March, 1990 thleng), Upa T. Romana (April 1990 aṭangin)
Secretary : Pu Siliana
Assistant Secretary : Pu PC. Lianhrima
Treasurer : Pu Kalkhama
Committee member :
1. Upa R. Biakkunga
2. Upa R. Challawma
3. Pu K. Thanhlira
4. Rev. Lalhmingthanga
Preaching Station hming atan Republic East tih chu Bial inkhawmpuiah chhawp chhuah a ni a, Bial inkhawmpuiin a phalsak hnuah Preaching Station hawnna chu Pastor Robawia’n April ni 1, 1990 (Pathianni) ah a nei ta a ni. Aizawl Chhim Presbytery Inkhawmpui Vawi 12-na Venghnuai Kohhrana neihah chuan Republic Bialin Preaching Station aṭanga Kohhran puitlinga indan a dilpuina chu pawm a ni a, November ni 18, 1990 chu kohhran indan ni atan a ruat a, Biak In sak tharah kohhran indan inkhawm chu neih a ni.
Kum 2006-ah Republic Veng Village Council aṭangin Republic Vengthlang Village Council thar a lo ding ta a, a huam chhunga Kohhran – Republic East pawhin veng hming zulzuiin kohhran hming chu thlak ṭha a ti a. Inrawnkhawmna neih a nih hnuah Synod Executive Committee (SEC)-ah thlenin, SEC 218/27 of 4-6.6.2008 chuan rawtna thlen chu pawmin, Republic Vengthlang Kohhran hming a lo pu ta a ni.
1990 Kohhran Inchhiarna
| Kohhran Upa | 2 |
| Pem Upa | 5 |
| Dam zawhkim | 499 |
| Kohhran member | 800 |
| Chhungkua | 147 |
| Sunday School hmingziak | 304 |