Vawiin ni 8.11.2026 (Pathianni) chawhnu inkhawmah Hla Kutpui hman chhunzawm a ni a. Bialtu Pastor Rev. C. Lalchhuanawma chairman niin Upa K. Darthangan thuchah tawi a sawi a. Pu John Lalhmingmawia solo-in, KTP atangin Duet a zai ngaihthlak a ni bawk a. Kohhran Committee Group Zai leh Kohhran Hmeichhe Committee Group zai ngaihthlak a nih bakah Pathianni Naupang Inkhawm ten zaipawl an nei a ni.

Google Drive Album (Thlalak Full Size): Click rawh le.

Vawiin ni 7.11.2026 (Inrinni) zan inkhawm atangin Kohhran hoten hun rei tak atanga kan lo nghah tawh ‘Hla Kutpui’ hun hman tan a ni a. Upa F. Lalfakzuala, chairman niin Upa Lalhmunsangan thuchah tawi a sawi a. Jerry Lalfakawma, Junior Department leh Nl. Vanlalhruaii te an solo a. KTP Acapella leh KPP Male Voice te bakah CTG leh Kohhran Zaipawl te hnen atangin Pathian fakna hla kan ngaithla bawk a ni.

Google Drive Album (Thlalak Full Size): Click rawh le.

Vawiin ni 01.11.2026 (Pathianni) zan inkhawmah Kohhran Hmeichhia ten ruahmanna an lo siam tawh angin kohhran inkhawmah Zuk leh Hmuam Awareness neih a ni a, speaker chu Upa Dr. J. Lalramchhuanga niin ‘Zuk leh Hmuam Do’ tih a sawi a ni.

Vawiin ni 01.11.2026 chawhma leh chawhnu inkhawmah NPSS lam chu hmuh hnihah ve ve inkhawmin a te lam Pre-Beginner Department atanga Junior Department te hmun khatah an inkhawmho a. A lian lam Intermediate Department atanga Senior Department te hmun khatah an inkhawmho bawk a ni. A te lamin ‘Kristian Naupangte leh Thianghlimna’ tih zirin a liam lamin ‘Kohhran Nghahfak Tleirawlte’ tih an zir thung a ni. Chawhma inkhawm banah kumina Sunday School Inkhawmpuia pakhatna an nih lawmna neiin refreshment tui tak an eiho a ni.