Ni 10.05.2025 (Inrinni) nileng khan Naupang Sunday School Zirtirtuten Kohhran Hall-ah training an nei a. He training neihpui tur hian Mizo Sunday School Union atangin trainer pathum – Upa B. Lalhmunliana, Bethlehem Venglai; Upa Lalchuailova, Saron Veng leh Upa Zomuana Ralte, Ramhlun te an lo kal a ni.

Chawhma dar 10:30-ah programme tan a niin T. Upa H. Zasiama, Asst. Superintendent (i/c NPSS) in a kaihruai a. Chawhma lamah hian trainer pahnihte hnen atangin thupui ngaihthlak a ni a.

Thupui 1-na: ‘Sunday School Chanchin leh A pawimawhna; Zirtirtu Nihna leh Mawhphurhna’ – Upa Zomuana, Ramhlun

Thupui 2-na: ‘Psychology’ – Upa Lalchuailova, Saron Veng

Thupui pahnih ngaihthlak a nih hnuin chhun chaw tui tak kan eiho a, hemi hnu hian programme chhunzawm leh a ni a.

Thupui 3-na: ‘Sunday School Tha Buatsaih Dan & Zirtir Dan’ – Upa B. Lalhmunliana, Bethlehem Venglai

Thupui te zir zawh a nih hnuah vawhna leh chhanna hun hman a niin programme zawhah thlalakho a niin hetiang hi kal dan a ni:

Resource Person – 1, Superintendent – 1, Asst. Supt. i/c NPSS – 1, Asst. Secy i/c NPSS – 1, Pre Beginner – 4, Beginner – 15, Primary – 16, Junior – 20, Intermediate – 15, Sacrament – 6 leh Senior – 13.

NPSS zirtirtu zawng zawng 102-ah 91 kalin 11 an kal lo va, resource person te nen an vaiin mi 95 an kal a ni.

Ni 4.05.2025 (Chawlhi) zan inkhawmah Republic Veng Pastor Biala kan probationary pastor (2000-2001) ni thin Rev. JC Lalramliana, Director, Synod Revival Department-in Kohhran Committee sawmnain thuhrilhtu a ni a. Inkhawm hi Upa R. Lalropuia, Kohhran Chairman-in inkhawm a hruai a. Pu K. Lalrotluanga, Allahabad-a BD (Hindi) zirlai, TBZ Missionary kan kohhran atanga kalin Pathian hnena thawhlawm lakkhawmte a hlan a. Rev. Marama hi a nupui, Pi Rebecca Lalrinkimin a rawn tawiawm a, a testimony (Pathian Thilpek) tih a sawi a ni.

Ni 27.04.2025 (Chawlhni) zan inkhawmah Upa Lalmanliana chairman niin Bial Zaipawl leh College Veng Kohhran zaipawl ten Pathian fakna hla an sa a. Bial Chairman kalchhuak Upa PC Lalhmuaka hnen atangin valediction sermon ngaihthlak a ni.

Inkhawm banah Republic Vengthlang Kohhran Hall-ah lengkhawm neih a niin Upa Danny Lalremmawian a hruai a. Kohhran hoten kham lo takin Bial Inkhawmpui vawi 40-na kan hmang zo ta a ni.

Ni 27.04.2025 (Chawlhni) chawhnu inkhawmah Pastor C. Lalchhuanawman Lalpa Zanriah Sakramen a theh a. Bial Zaipawl leh Republic Veng kohhran zaipawl ten Pathian fakna hla an sa bawk a ni.

Chawhnu inkhawm banah Mual Inkhawm awmin hetah hian Pu H. Lalhmingliana, Speaker, Amen Revival Team-in hun a hmang a ni.

Ni 27.04.2025 (Chawlhni) chawhmaah Upa Lalmanlianan inkhawm hruaiin Bial Zaipawl leh thlengtu kohhran zaipawl te hnen atangin Pathian fakna hla ngaithlak a ni a. Upa Lalthakhuma, Republic Veng hnen atangin sermon ngaihthlak a ni.