Zan dar 7:00-ah Pathian Biak Inkhawm neih leh a ni a. Pi Lamchhingi, Chairman-in inkhawm kaihruaiin Female Voice, Republic Vengthlang; College Veng Kohhran Zaipawl leh Bial Zaipawl-te hnen atangin Pathian fakna hla ngaihthlak a ni. Upa Lalthantluanga, Speaker hnen atangin “Takna leh dikna a Kut” (I Kor 5:8) tih thupui ngaihthlak chhunzawm leh niin, inkhawmpui hi a tiak ta a ni.

Pathianni Chawhnu Inkhawmah Lalpa Zanriah Sacrament, Bialtu Pastor Rev. C Lalchhuanawma’n a theh a, Bial Zaipawl ten Pathian fakna hla an sa bawk a ni. Inkhawm banah hian Inpawl Hona hun neih leh niin Pi F Lalrindiki, Republic Vengthlang-in a hruai.

Ni 11.02.2024 (Pathianni) chawhma dar 10:30-ah Kohhran Hmeichhe Inkhawmpui Vawi 39-na neih chhunzawm leh a ni a. Pi Lamchhingi, Chairman-in Pathian biak inkhawm hi kaihruaiin Pi Lalhmingmawii, Republic Vengthlangin tanna hun a hmang a. Chairman-in a sawm angin Pu Lalnuntluanga (Bial KTP Palai) chuan thawhlawm a hlan a. Female Voice, Republic Veng; Republic Vengthlang Kohhran Zaipawl leh Tv. Lalropuia (Mapuia) hnen atangin Pathian fakna hla ngaihthlak a ni a, Upa Lalthantluanga, Speaker hnen atangin “Takna leh dikna a Kut” (I Kor 5:8) tih thupui hmangin thusawi kan ngaithla bawk a ni. Inkhawm banah hian Inpawlhona neih leh niin Pi Kaisangi, College Veng-in a hruai a ni.

Ni 10.02.2024 (Inrinni) zan dar 7:00-ah Kohhran Hmeichhe Inkhawmpui Vawi 39-na neih chhunzawm a ni a. Pi Lalremruati, Vice Chairman-in Pathian biak inkhawm hi kaihruaiin Pi P.C Lalrinmawii, College Vengin tanna hun a hmang a. Female Voice, College Veng leh Republic Veng Kohhran zaipawl hnen atangin Pathian fakna hla ngaihthlak a ni a. Upa Lalthantluanga, Speaker hnen atangin “Takna leh Diknaa Kut” tih thupui hmangin thusawi kan ngaithla bawk a ni.

Ni 10.02.2024 Inrinni 10:30 A.M- 3:00 P.M hian Inkhawmpui Rorel Inkhawm neih a ni a. Bial Kohhran Hmeichhe Chairman Pi Lamchhingi’n Rorel Inkhawm kaihruaiin, Secretary Pi Lalfeli hnen atangin Agenda ngaihthlak a ni. Rorel Palai hi Republic Veng atangin 35, College Veng atangin 27, Republic Vengthlang atangin 31, Bial puipate 2, Bial KTP aiawh 2 leh Kohhran Upa 1-te an tel thei a ni.Chhun dar 12:30-ah Rorel Inkhawm chawlh lailawkna neiin, dar 1:00-ah Rorel Inkhawm chhunzawm leh a ni a, College Veng Kohhran Committee aiawh Upa T.L Haungura’n inkhawm hi Pathian hnenah hlanna hun a hmang a, rorel tan leh a ni a, tlai dar 3:00-ah Rorel Inkhawm hi zawh niin, palaiten chawhlui an kilho nghal a ni.

Ni 9.2.2024 Zirtawpni zan Dar 7:00 hian Kohhran Hmeichhia Inkhawmpui Vawi 39-na tan a ni a. Pi Lamchhingi, Bial Kohhran Hmeichhe Chairman-in Pathian biak inkhawm hi kai hruaiin, Pi K. Lalchhuani, Republic Veng in tanna hun a hmang.

Kohhran tin Secretary, Bial buhfaitham ziaktu (Pi Lalchhanchhuahi) leh Bial Secretary (Pi Lalfeli)-te hnen atangin report ngaihthlak niin Kohhran tin Kohhran Hmeichhe Zaipawl an zai bawk a ni. He Inkhawmpuiah hian Thlarau lam thupui “Takna leh dikna a kut” (I Korinth 5:8) tih sawi turin Upa Lalthantluanga (Krista Thuhriltu Team) rawih a ni bawk.