Vawiin ni 7.12.2025 (Pathianni) hi Bible Sunday a ni a. Hemi pual hian chawhnu leh zanah Kohhran hoten hun kan hmang a.

Chawhnu inkhawmah Upa K. Darthangan inkhawm hruaiin Pi R. Vanlalruati tantu a ni a, Pu F. Lalnithanga hnen atangin thupui awm sa ‘Pathian thu – ringtute chakna’ tih ngaihthlak a ni.

Zan inkhawmah Upa Siliana chuan inkhawm hruaiin Upa K. Darthanga hnen atangin thupui awm sa ‘Pathian thu hril tura koh kan ni’ tih ngaihthlak leh a ni.

Vawiin ni 20.11.2025 (Pathianni) chawhnu inkhawmah bialtu pastor, Rev. C. Lalchhuanawman baptisma sakramen buatsaihin heng a hnuaia mite hian baptisma an chang a ni:

1. Bethsebi K. Remsangpuii d/o Lalmuanchhana & Cindy Zonunsiami
2. Kevin Rohlua s/o H. Lalnghinglova & Zoliansangi
3. Remsiampuia s/o P.C. Lalhmangaiha & C. Lalnunsangi
4. Rhoda Lalrinfeli Khiangte d/o Emanuel Malsawmzuala & Lalhmingliani
5. Ellena Zonunpuii d/o Lalbiakremmawia & C. Lalremruati

Ni 19 November 2025 (Nilaini) zan inkhawmah Pastor C. Lalchhuanawman Sacrament Department zirlai 35 te Danchhuga Lawm Luh an ni. Danchhunga lawm luh te hi mipa 19 leh hmeichhia 16 an ni. Inkhawmah hian bialtu pastor-in Lalpa zanriah a buatsaih nghal a ni.

Google Drive-ah thlalak dang en tur a awm e.

Sacrament Department ten Kohhran Biak In compound-ah ni 14.11.25 tlaiah camping tura lutin a tuk ni 15.11.2025 zanah camping an chhuak a. He camping-ah hian Speaker atan T.Upa Robert Lalduhzuala sawm a ni.

Camping follow-up programme hi ni 16.11.2025 zan inkhawmah neih a niin Upa Siliana chairman a ni a. Thawhlawm lakkhawm chu Upa Robert-a tawiawmtu Pu H. Lalremruatan Pathian hlanin, tawngtai turin Pu Vanlalchhuanga a sawm a, speaker hian ‘Krista Tana Danglam Ngam’ tih a sawi a. Sermon zawhah amah rawn tawiawmtu Tv. Joseph-an Pathian fakna hla a sa a ni.

Vawiin ni 2.11.2025 khan kohhran hoten Khawvel Sunday School Ni 2025 tluang takin kan hmang a. Puitling Sunday School lamin thupui awm sa ‘Fanau Enkawl’ tih an zir a ni. Naupang Sunday School lam chu Beginner atanga Junior Department te Kohhran Hall-ah an inkhawm a. Intermediate leh Sacrament Department te Intermediate Hall-ah inkhawmin Senior Department te erawh anmahni hall-ah an department bilin an inkhawm thung a ni. Heng inkhawmah te hian MSSU atanga thupui awm sate tha taka ngaihthlak a ni.

Kumin Khawvel Sunday School Ni hian kum danga kan la tih ngai loh angin PTSS leh NPSS-ah chawhma inkhawmah hming lam a ni.