Pentikos Ni (19.5.2024) Chawhma Inkhawm

Ni 19.05.2024 Pentikos Ni Chawhma Inkhawmah Upa R. Lalnghakan inkhawm hruaiin Pi Zosangpuii a tan a. Upa K. Darthangan thawhlawm lakkhawm chu hlanin Bialtu Pastor, Rev. C. Lalchhuanawman thupui awm sa, ‘Thlarau Thianghlim chuan Isua nihna a puang’ tih a sawi a. Kan kohhran atanga pastor kalchhuak, Rev. Andrew Lalhruaitluangan malsawm tawngtainain inkhawm min tin a ni. Inkhawm kan thain Gallery leh Extension zawng zawng bakah pawn lam bathlarah pawh kan khat deuh vek a ni.

Continue Reading

Kristian Chhungkaw Campaign – Chawlhni Zan

Ni 14 April, 2024 Chawlhni Zan Inkhawm chu tun tum Kristian Chhungkaw Campaign kan neih a tawp zan a ni ta der a. Kohhran member inkhawm pawh kan tha hle a; Biak In chhung bakah Gallery, Extension thlang & chhak bakah kawtah te pawh mi eng emaw zat an thu a ni. Upa R. Lalropuian inkhawm hruaiin Kohhran Zaipawl ten Pathian fak hla mawi tak an rem a. Kan thawhlawm te Upa Silianan a hlan a ni.

Kan speaker Upa C. Ngurthantluangan nu leh pate chauh ni lovin, thalaite leh naupang zawkte mamawh thil tam tak a tarlang a. Kohhran mipuite tana tangkai tur Kristian Chhungkaw kaihhnawih survey result pawimawh tak tak te pawh a sawichhuak a, a bengvarthlakin a hlawkthlak hle a ni.

Inkhawm banah Kristian Chhungkaw Committee ten thla lakpuiin kan rawngbawltu leh amah tawiawmtute thingpui an inpui bawk a ni.

Continue Reading

Kristian Chhungkaw Campaign – Speaker Upa C. Ngurthantluanga

Ni 13 April, 2024 (Inrinni) zan inkhawm atangin Kohhran hoten kan lo nghak hlelh em em Kristian Chhungkaw Campaign chu Speaker Upa C. Ngurthantluanga hovin kan tan thei a. Upa R. Lalropuia, Secretary-in inkhawm a hruai a. Upa R. Lalnghaka, Asst. Secretary-in thu a puan hnuah Kohhran hoten inrinni zana kan tih thin dan angin kan tawngtai rual a. He tawngtairualnaah hian ni 19 April, 2024 a Lok Sabha Member kan thlan tur chungchang te a bik takin thupui atan kan nei nghe nghe a ni.

Upa C. Ngurthantluangan Kristian Chhungkaw chungchang ngaihnawm takin a sawi a. Tunlai khawvela Kristian Chhungkaw hlutna leh pawimawhna te tarlangin kohhran hoten a thusawi hlawkthlak kan ti hle a ni. Kohhran Pavalai Pawl Inkhawmpui Vawi 6-na East Lungdar a neih mekah Pavalai member eng emaw zat an kal a, chuti chung chuan inkhawm kan tha thawkhat hle a ni.

Continue Reading