Vawiin ni 19.07.2025 khan kan Kohhran Pavalai Pawl te chuan ‘One Day Crusade’ Kohhran Hall-ah an nei a. He hunah hian Rev. H. Lalmuanchhana, Director, SMTC chu speaker niin chawhma leh chawhnu huna programme then niin tlaiah zanriah an eiho nghal a ni.
He crusade-ah hian KPP member 74 lai an tel thei a ni.
Vawiin ni 6 July 2025 (Chawlhni) zan hi Hospital Sunday a niin Upa Lalhmunsangan inkhawm a hruai a. T. Upa F. Lalkamlova, Hrangchalkawnin thawhlawm te hlanin Upa F. Lalfakzuala hnen atangin Synod atanga thupui awmsa ‘Tihdam Rawngbawlna’ tih a sawi a ni.
Vawiin ni 6 July 2025 (Chawlhni) chawhnu inkhawm hi Health Sunday a niin Upa Lalhmunsanga chairman a niin Pi K. Lalneihthangi tantu a ni a. Synod lam atanga thupui ruahman sa ‘Stroke leh a inven dan’ tih Pu R. Laldinpuian a sawi a ni.
Vawiin ni 6 July 2025 (Chawlhni) chawhma inkhawmah Kohhran Hmeichhiaten biak in thar kan sakna tur pualin Thlai Thar Thawhlawm an lakhawm a, Rs. 18,320 lai an lei a ni.
Report Petu: Pu R. Lalhriatpuia
Kabuganj kohhran ten biak in thiat a work camp nei tur leh kum thar lama Presbytery huap thalai inkhawmpui an thlenna tur pual a sumtuak nan jumble sale khawn khawm sak a tanpui tura min rawn ngenna chu kan Kohhran Committee chuan min ngen ang hian tihhlawhtlinsak ngei ni se, a ti a. Work camp bik hi Ramthar committee ten lo buaipui se, jumble sale hi Kohhran Hmeichhia ten lo buaipui se a ti a. Kohhran Hmeichhia te hian thawmhnaw tam tham tak an khawnkhawm a, Work Camp nei tur hian heng mite kan kal thei a ni.