Ni 26.04.2025 (Inrinni) chawhma dar 10:30-ah Rorel Inkhawm neih tan a niin Upa PC Lalhmuaka, Bial Chairman kalchhuakin inkhawm a hruai a. Palai inchhiarna neih a niin Inkhawmpui chibai bukna thawn leh dawnte chhiar chhuah a ni a. Hemi hnu hian chairman inthlakna hun hman a niin Bial chairman thar Upa Lalmanlianan rorel inkhawm a kaihruai chhunzawm a ni.
Nomination Committee thu leh hlate ngaihthlak a nih hnuah audit report hrang hrangte ngaihthlak a ni a. Chumi hnuah rorel chhunzawm a ni.
Tlaiah rorel zawhah thlengtu kohhranten zanriah an buatsaih kilho a ni.
