Ni 25.04.2025 zirtawpni zan vantlang Pathian biak inkhawmah Bial Chairman Upa PC Lalhmuakan inkhawm hruaiin Upa R. Kapliana, Republic Vengthlang tantu a ni a. Chairman-in khawmpui inlawmna a neih hnuin bial chhunga kohhran tin atangin Kohhran report ngaihthlak a ni a. Bial report Upa R. Lalropuia hnen atangin ngaihthlak a ni a. College Veng leh Republic Vengthlang kohhran zaipawlten Pathian fak hla an sa a ni.
Ni 20.04.2025 Easter Sunday zan inkhawmah Upa Siliana chu chairman niin Senior Department ten Pathian fakna hla mawi takin an rem a. Thawhlawm hlan turin chairman-in bialtu pastor nupui, Pi Rami a sawm bawk a ni. Pastor C. Lalchhuanawma hnen atangin ‘Thawhlehna thuhretute kan ni’ tih thupui a sawi a, Pu F. Malsawman inkhawm ban lengkhawm a hruai a ni.
Ni 20.04.2025 Easter Sunday chawhnu inkhawmah Upa Lalhmunsanga chairman niin, Pi Thanmawii tantu a ni a. Pathianni Naupang Inkhawm (PNI) ten Pathian fakna hla mawi takin an sa a. Pu C. Lalhruailiana hnen atangin ‘Thawhlehna – Tunah leh Nakinah’ tih thupui kan ngaithla a ni.
Ni 20.04.2025 Easter Sunday chawhma inkhawmah Upa K. Darthanga chairman niin Pi Thanpari a tan a. Kohhran Zaipawl ten Pathian fakna hla sain Upa R. Lalropuian thupui ‘Krista, an khenbeha kha a tho leh ta’ tih a sawi a. Inkhawm banah thingpui leh chhang kan eiho a ni.
Ni 18.04.2025 Good Friday zan inkhawmah Upa Dr. Lalhmingthanga chairman niin Christian Teenagers Group ten Pathian fak hla mawi takin an sa a. Upa R. Lalnghaka hnen atangin thupui ngaihthlak a ni. Inkhawm banah Pi Lalhmingmawiin lengkhawm a hruai a ni.
