Ni 10.02.2024 (Inrinni) zan dar 7:00-ah Kohhran Hmeichhe Inkhawmpui Vawi 39-na neih chhunzawm a ni a. Pi Lalremruati, Vice Chairman-in Pathian biak inkhawm hi kaihruaiin Pi P.C Lalrinmawii, College Vengin tanna hun a hmang a. Female Voice, College Veng leh Republic Veng Kohhran zaipawl hnen atangin Pathian fakna hla ngaihthlak a ni a. Upa Lalthantluanga, Speaker hnen atangin “Takna leh Diknaa Kut” tih thupui hmangin thusawi kan ngaithla bawk a ni.
Ni 10.02.2024 Inrinni 10:30 A.M- 3:00 P.M hian Inkhawmpui Rorel Inkhawm neih a ni a. Bial Kohhran Hmeichhe Chairman Pi Lamchhingi’n Rorel Inkhawm kaihruaiin, Secretary Pi Lalfeli hnen atangin Agenda ngaihthlak a ni. Rorel Palai hi Republic Veng atangin 35, College Veng atangin 27, Republic Vengthlang atangin 31, Bial puipate 2, Bial KTP aiawh 2 leh Kohhran Upa 1-te an tel thei a ni.Chhun dar 12:30-ah Rorel Inkhawm chawlh lailawkna neiin, dar 1:00-ah Rorel Inkhawm chhunzawm leh a ni a, College Veng Kohhran Committee aiawh Upa T.L Haungura’n inkhawm hi Pathian hnenah hlanna hun a hmang a, rorel tan leh a ni a, tlai dar 3:00-ah Rorel Inkhawm hi zawh niin, palaiten chawhlui an kilho nghal a ni.
Ni 9.2.2024 Zirtawpni zan Dar 7:00 hian Kohhran Hmeichhia Inkhawmpui Vawi 39-na tan a ni a. Pi Lamchhingi, Bial Kohhran Hmeichhe Chairman-in Pathian biak inkhawm hi kai hruaiin, Pi K. Lalchhuani, Republic Veng in tanna hun a hmang.
Kohhran tin Secretary, Bial buhfaitham ziaktu (Pi Lalchhanchhuahi) leh Bial Secretary (Pi Lalfeli)-te hnen atangin report ngaihthlak niin Kohhran tin Kohhran Hmeichhe Zaipawl an zai bawk a ni. He Inkhawmpuiah hian Thlarau lam thupui “Takna leh dikna a kut” (I Korinth 5:8) tih sawi turin Upa Lalthantluanga (Krista Thuhriltu Team) rawih a ni bawk.
Vawiin February 1, 2024 hi Republic Vengthlang Kohhran Pavalai Pawl din champha vawi 15-na (Crystal Jubilee) a ni a. Kohhran Hall-ah lawmna inkhawm neih niin member-te an kal tha hle. Republic Vengthlang Kohhran Pavalai Pawl hi February 1, 2009 khan din tan a ni a. Pathian hruaina leh awmpuina zarah heng kum 15 chhung hian rawngbawlna hlawhtling leh hriatreng tlak tam tak an nei tawh a ni.
Kohhran Pavalai Pawl din cham lawmna inkhawm hi Pu J. Chamliana, Chairman-in a kaihruai a, Pu K. Lalhlimpuia’n Kohhran Pavalai Pawl report kimchang takin a pe a, Kohhran Pavalai Pawl chairman hmasa ber Pu C. Lalhruailiana’n Pathian thuchah a sawi a ni. Hunserh hman zawh a nih hnu-in thupuangtu Nl. Vanlalhruaii’n programme a kaihruai zui nghal a. Thusawi hrang hrang heng – Pu R. Lalneihliana, Chairman, Bial KPP, Nl. C. Vanlalzawni, Chairman, Kohhran Hmeichhia leh Pu David Lalruatfela, Leader, Branch KTP ten thuchah leh lawmpuina thu an sawi a. Kohhran Hmeichhia leh Kristian Thalai Pawl-te hian Kohhran Pavalai Pawl kum 15 tlin lawmpui nan Rs. 2000 /- ve ve an hlan a, Pu Lalhmingmawia Ralte, Asst. Secy, Bial KPP-in lawmpuina thilpek hlu tak a pe bawk.
Kohhran Pavalai Pawl dincham lawmna-ah hian Kohhran Hmeichhia atangin Group zai, Kristian Thalai Pawl atangin Female Voice leh Kohhran Pavalai Pawl atangin Group zai mawi tak tak te ngaihthlak a ni a. Inkhawm banah hian thingpui ruai hlimawm tak chan ho a ni.
