Kum tina kan lo tih thin angin Kum Thar Ruai Ni hian chhun dar 12:00 atangin Pathianni Naupang Inkhawm ten biak in tualah intihhlimna hun hmangin naupangten nuam an ti hle a ni.

Kohhran lengkhawm hi chawhma dar 11:00-ah tan niin Pu Malsawma Pautu chu hruaitu a ni a. Nilengin tui takin lengkhawmte an zai a, ruai theh hma thleng kham lo takin an zaiin an lam a ni.

Kohhranhoten Pathian hruainain kum 2023 Krismas leh 2024 Kum Thar Ruai tluang takin kan theh thei a. Krismas leh Kumthar Committee 2023 report buatsaih chu hetiang hi a ni e:

Kum Thar Ni zan inkhawm chu Upa K. Darthanga, Chairman, Kohhran Committee-in a kaihruai a, Kohhran Zaipawl ten ‘I Hmangaih Ropui Chuan’ tih hla an sa a. Upa R. Lalnghaka hnen atangin thupui ‘Kawng tha lehzual’ tih kan ngaithla a. Inkhawm banah Kohhranhote kan lengkhawm leh a, Pu PC Lalhnunan a kaihruai a ni.