Chawhnu inkhawm hi Upa F. Lalfakzualan kaihruaiin inkhawm tawngtainaa hlan turin kan Kohhran atanga missionary-a fehchhuak Nl. Lalhlimawmi a sawm a. Pi Lalnunzirin tanna hun hmangin Rev. C. Thangthuama, Bialtu Pastor-in ‘Nun Fimkhurpui’ tih thupui a sawi a. Kan Bialtu Pastor hi Chawnpui Pastor Bialah sawn a nih avangin he inkhawma a thusawi hi kan Bialtu Pastor a nih chhunga kan Biak Ina a thusawi hnuhnung ber a ni ta a ni. Kohhranhoten kum thar chibai kan buk rualin a rawngbawl lehzelna tur atan duhsakna kan hlan bawk a ni.

Pathian kaihhruainain Kohhranhoten kum 2024 kan chuang kai ta a, lawmthu kan sawi a ni.

Kum Thar Ni chawhma inkhawmah hian Kohhran Chairman, Upa Silianan inkhawm kaihruaiin Pi Thanpari tantu a ni a. Upa R. Lalhmingthanga hnen atangin sermon ‘Kawng Thar leh Nung’ tih kan ngaithla a, kohhran zaipawl ten ‘Khawiah pawh ni chhuahna apiangah’ tih leh ‘Haleluia Chorus’ zawmin an sa a, a ropui hle.

Pathian kaihhruainain kumin chhunga Kohhran Inkhawm hnuhnung ber tluang takin kan nei thei a, a lawmawm hle.

Inkhawm hi Upa Silianan kaihhruaiin inkhawm tawngtainaa hlan turin KH Chairman, Nl. C. Vanlalzawni a sawm a. Sun turte chanchin tawi Kohhran Secretary Upa R. Lalnghakan a sawi a. Lusun chhungkua te hnena thilpek Kohhran Treasurer Upa Lalhmunsangan pein an tan Upa R. Kapliana a tawngtai a. Chairman Upa Silianan thuchah tawi a sawi bawk a ni.