Tumkau Ni, ni 13.04.2025 chawhma inkhawmah Pre-Beginner te chuan an inkhawmna (Biak In Mual Anganwadi) atanga Biak In kawm thlang thleng kawng an zawh a ni.
Tumkau Ni – Pre-Beginner Kawng Zawh
Harhna Thlen Ni – 4 April 2025
Ni 4 April, 2025 zanah Harhna Thlen Ni Champha Vawi 119-na hman a ni a. Upa K. Darthangan inkhawm hruaiin Pi Ramengi tantu a ni a. Kohhran Zaipawlin hla remin Upa H. Lalthankhuman ‘Min Tiharh leh Dawn Lo’m Ni?’ tih thupui a sawi a. Inkhawm banah thingpui inho a ni.
Aizawl East Presbytery Vawi 26-na – Inrinni Chhun Rorel Inkhawm
Ni 12.10.2024 (Inrinni) chawhma dar 10:00 khan Aizawl East Presbytery Inkhawmpui ni thumna neih a ni a. Chawhma hi rorel inkhawm a ni. Chhun thingpui in zawhah chawhnu inkhawm neih chhunzawm a ni a, tlai dar 4:20 ah rorel an zo va, Rev. R. Lalchangliana’n malsawmnain inkhawm a tin.
Aizawl East Presbytery Vawi 26-na – Zirtawpni Zan Vantlang Pathian Biak Inkhawm
Zan dar 6:30 ah vantlang Pathian biak inkhawm neih a ni a, zaipawl 4 – Venghlui Pastor Bial, Bethlehem North Kohhran Zaipawl, ITI Veng Kohhran Zaipawl leh Aizawl East Area Masihi Sangati Zaipawl te an zai a. Upa Lalmanliana, College Veng Kohhran hnen atangin Pathian thuchah ngaihthlak a ni a, Rev. Dr. R. Lalbiakmawia’n malsawmnain inkhawm hi a tin a ni.
Aizawl East Presbytery Vawi 26-na – Presbytery Inkhawmpui Rorel (Zirtawpni)
Ni 11.10.2024 (Zirtawpni) khan Aizawl East Presbytery Inkhawmpui ni 2-na neih a ni a. Chawhma inkhawmah Moderator inthlakna hun hman a ni a. Chhun thingpui in chawlh an neih hnuin chawhnu lam atangin inkhawmpui rorel tan a ni. Agenda 12 zingah 4 an rel zo hman a, tlai dar 4:30 ah an tin.