Vawiin ni 28.09.2025 (Pathian Ni) chawhnu inkhawmah Nu leh Pa Ni hman a nia. Upa F. Lalfakzuala, chairman niin Pi R. Lalremtluangi tan niin Prof. Rualkhuma Colney hnen atangin thupui awm sa – ‘Nu leh Pate Zirtirna Zawm’ tih kan ngaithla a ni.
Vawiin ni 14.09.2025 (Chawhnu) inkhawmah Intermediate & Sacrament Department ten inkhawmpui neiin Upa Lalnunmawia Hnamte, Bial Secretary (Sr.) chairman niin Nl. Mary Zothanchami, Republic Veng tantu a ni.
Kohhran tin atangin department ten Rom 12:9-18 sawiin, solfa-in ‘Ka fak ang a chanchin mak zia’ sain, lengkhawmin ‘Jerusalem Zion khawpui chu thlir teh u’ tih an sa bawk a ni.
Special item solo leh recitation kohhran tin atangin hetiang hian neih a ni: Republic Veng – Vanlalremruati & Lalbiakhlua; College Veng – Cherry Lalnunfeli & R. Lallawmsangzuali leh Republic Vengthlang – Rakil Zosangpuii & K. Lalremkimi.
Lawmman te hi Upa R. Lalhmunsanga, Superintendent, Republic Vengthlang Kohhran Sunday School a ni.
Vawiin ni 13.09.2025 (Chawhma)-ah Primary Department ten Naupang Sunday School Inkhawmpui neiin Upa T.L Haungura, Bial Secretary (Jr.) chu chairman niin Nl. C. Lalramthangi, College Veng chu tantu a ni a. Secretary-te Upa Danny Lalremmawia, Secretary, Bial Sunday School leh Tv. P.C. Lalnunmawia, Secretary, Republic Vengthlang Sunday School te an ni.
Kohhran tina Primary te hian Sam 15:1-5 sawiin, Thu Inchangah ‘Pathian chungchang’ an inzawtin an sawi bawk a. Hla hi ‘Ka luah i kut nghat ang che’ tih an sa a ni.
Kohhran tin atangin Recitation leh Solo ngaihthlak a ni a. Republic Veng – Lalmalsawma Chhangte & Faith Lalhriatzuali; College Veng – Thaddeus Lallawmnakima & Pekkimi Sailo leh Republic Vengthlang – K. Laltlansangi & Mason Lalmuanzuala ten special item an nei a.
Lawmman te Upa K. Darthanga, Superintendent, Republic Vengthlang Sunday School-in a sem a. Lawmman lak dan chu hetiang hi a ni: Pakhatna – Republic Vengthlang, Pahnihna – Republic Veng leh Pathumna – College Veng.
Vawiin ni 31.08.2025 hi Ramthar Ni niin zan lamah Synod-in ruahmanna a siam angin a pual hun hman a ni a. Upa H. Lalthankhuma chairman niin Kohhran Zaipawl te an zai a. Upa F. Lalfakzualan thupui ‘Pain kei mi tir ang bawkin ka tirh che u hi’ tih a sawi ni.
Inkhawm banah Kohhran hote lengkhawmin Pu Thanthianga Kawlni in a hruai a ni.
CHAWHMA: Vawiin ni 17.08.2025) chawhma inkhawmah Bial Programme-in Ruihhlo la ti lote venhimna Senior Department-ah neih a ni a. Upa R. Lalhmingthanga, Bial Treasurer Chairman niin Dr. RL Sanghlunan zirtirna hun a hmang a ni.
CHAWHNU: Chawhnuah Dr. RL Sanghluna leh a thiante – Pu Lalthlamuana, Durtlang Kohhran leh Dr. Laldinliana Sailo, Zemabawk North ten zirtirna hun an hmang leh a.
ZAN: Zan Inkhawmah Bialtu Pastor, Rev. C. Lalchhuanawma chu chairman niin thawhlawm Upa Lalnunmawia Hnamte, Bial Secretary (Sr.)-in a hlan a. Senior Department ten Pathian fakna hla sain Dr. RL Sanghlunan thuchah a sawi a ni.