KTP Group Meet 2024 : Inrinni Zan
Kum 2024 KTP Group Meet chu ni 24 August, 2024 zanah tan a niin T.Upa Robert Lalduhzuala, Ramthar North Kohhran chu Speaker atana hman a ni.
Inkhawm hi Asst. Leader Pu Joseph Lalrinmawian kaihruaiin Nl. H. Lalrosangi tantu a ni a. Matthaia Group leh Luka Group Zaipawlte hnen atangin fakna hla ngaihthlak a ni. Speaker hian tawiawmtu neiin an zinga miin Pathian fakna hla a sa a; speaker hnan atangin “Chak loten Lalpa rawng kan bawl dawn” tih kan ngaithla a ni.
Inkhawmah hian Tv. F. Lalthansanga zai hruaitu niin Nl. Lalremruatin hla a hril a ni.
Pastor Bial Fan
Bialtu Pastor, Rev. C. Lalchhuanawma chuan ni 14.08.2024 (Nilaini) zan atangin kan tualchhung kohhranah Pastor Bial fan programme tanin chawlhni chawhma khan Puitling Sunday School Inkhawm hruaiin zirlai a khaikhawm a. Chawhnu Inkhawmah Lalpa Zanriah Sacrament buatsaihin inkhawm banah Mual Vengah damlo te tan Sacrament hi a buatsaih sak zui a ni.
Zan inkhawmah Upa R. Lalropuian inkhawm kaihruaiin Nl. C. Vanlalzawnin thawhlawm a hlan a. Bial Zaipawl ten Pastor Bial fang hi tawiawmin Pathian fakna hla mawi tak an sa a. Bialtu pastor hi a nupui fanauten rawn tawiawmin ‘Sawma Pakhat’ chungchang a sawi a, inkhawm hi malsawmnain min tin a ni.
Chawhnu Inkhawm – Lalpa Zanriah Sacrament
Zan Inkhawm
Bial Kohhran Hmeichhia Kristian Chhungkaw Campaign
Bial Kohhran Hmeichhia Inkhawmpuiin a lo rel tawh angin ni 11 August, 2024 zanah kan Kohhranah Kristian Chhungkaw Campaign neih a ni a. Inkhawm hi Upa H. Lalthankhuman hruaiin Pathian biak inkhawm thawhlawm Pi Lamchhingi, Chairman, Bial Kohhran Hmeichhiain a hlan a. Republic Vengthlang Kohhran Female Voice-in fakna hla mawi tak an sa a, Buhfaitham Campaign Pi PC Lalrinmawii, Bial Buhfaitham Ziaktu (Sr.) hnen atanga kan ngaithlak hnuin Bial Chairman Upa P.C. Lalhmuaka hnen atangin ‘Krista Lalna Chhungkua Hi I Dinthar Leh Ang U’ tih thupui kan ngaithla a, inkhawm malsawmnain min tin a ni.
