Bial Inkhawmpui 2024-in a lo remtih tawh angin ni 15.06.2025 (Chawlhni) chawhma inkhawm inkhawmah Tual Upa thlanna neih a ni a. Bialtu Pastor, Rev. C. Lalchhuanawma chairman niin inthlanpuitute chu – Upa TL Haungura, Upa Lalnghinglova, Upa Lalnilena leh Upa Lalthangvunga Sailo an ni a.

Tantu Pu R. Lalrinawma niin NPSS zirtirtute leh Senior Department ten biak inpui an luh fel hnuah Tual Upa thlanna hun buatsaih a ni.

Chawhnu inkhawmah Bialtu Pastor chairman niin Pi Lalhmingmawii tantu a ni a. Upa Lalthangvungan inthlan result puangin Tual Upa atan mi pahnih – Pu Robert Vanlalhruaia leh Pu V. Rothangpuia te thlan tlin an nih thu a puang a. Tawngtaisakna a neihsak hnuin anni pawh dawhsan lama thu turin chairman-in a tih angin an thu kai chho nghal a. Upa TL Haunguran thu sawiin kohhran hoten tluang taka Tual Upa pali thlang tura pahnih kan thlang chhuak thei chu lawmawm kan ti hle.

Pentikos Ni zan inkhawmah Upa R. Lalhmingthanga chairman niin thawhlawm hlantu atan kan kohhran member missionary a chhuak Pi Lianchhawni sawm a ni a. Kohhran zaipawl ten Pathian fakna hla mawi tak an sak hnuah Upa R. Lalnghakan thupui ‘Thlarau Thianghlim – Felna Kawnga Hruaitu’ tih sawiin Upa R. Lalropuia, Kohhran Chairman-in malsawmnain inkhawm min tin a ni.

Inkhawm banah kohhran lengkhawm awmin T. Upa H. Zasiaman a kaihruai a ni.

Pentikos Ni chawhnu inkhawmah a hranpain Naupang Sunday School te a hranga inkhawm lovin biak inpuiah inkhawmhona neih a ni a. Upa R. Lalhmingthang, chairman niin Pi Laltlanthangi tantu a ni a. Senior Department zaipawl ten ‘Hring nun kan zin kawngah hian’ tih an sa a. Pu V. Rothangpuian thupui ‘Thlarau Thianghlim – Chhandamna Kawnga Hruaitu’ tih a sawi a ni.

Pentikos Ni (2025-06-08) Naupang Sunday School chawhma inkhawmah Pre Beginner atanga Sacrament Department te Kohhran Hall-ah an inkhawm a. Pu C. Lalhriatpuia, Beginner Department Leader chu chairman niin Nl. H. Vanlalrinawmi, Zirtirtu, Intermediate Department chu tantu a ni a. Beginner Department ten ‘action song’ an neiin, Sacrament Department ten ‘special item’ an nei bawk a ni. NPSS lam Superintendent T. Upa H. Zasiaman ‘Thlarau Thianghlim Chungchang’ tih thupui a sawi bawk a ni.

Ni 8.06.2025 Pentikos Ni biak inpui chawhma inkhawmah Upa R. Lalhmingthanga chairman niin Pi Sanghmingthangi tantu a ni a. Pu Lalengzuala, Senior Department Leader-in thawhlawm hlanin Upa H. Lalthankhuma hnen atangin thupui awm sa ‘Thlarau Thianghlim – Sual Hriattirtu’ tih a sawi a. Chawhma biak inpui inkhawmah hian Puitling Sunday School leh Senior Department te an inkhawm ho a ni. Tuithumhnar Pastor Bialtu Rev. Lalbiakthanga a rawn inkhawm a, inkhawm ban dawnah malsawm tawngtainain min tin a ni.