Ni 01.01.2026 zan inkhawmah Upa R. Lalropuia chairman niin Senior Department zaipawl bakah Nl. K. Vanlalremruati solo ngaihthlak a ni a. Upa H. Zasiaman, ‘Pathianin thil tha min tihsak a duh’ tih thupui a sawi a ni. Inkhawm banah lengkhawm awmin Pi Ramdinthangi hruaitu a ni.
Google Drive Album: Click rawh le.
Ni 01.01.2026 chawhnu inkhawmah Kumthar Ni programme hmang chhunzawmin Upa Lalhmunsanga chairman niin Pi Hlawnzikin Bible chhiarin a tawngtai a. Kohhran Hmeichhia atangin Female Voice zai ngaihthlak a ni a, Christian Teenagers Group ten special item an nei bawk a ni. Pu H. Lalhmingliana hnen atangin, ‘I hun i hmang tha em?’ tih thupui kan ngaithla a ni.
Google Drive Album: Click rawh le.
Ni 01.01.2026 (Ningani) chawhmaah kohhran hoten Kumthar Ni programme hmangin Upa H. Lalthankhuma a chairman a. Pi Ngurnghakin Bible chhiarin a tawngtai a, Pathianni Naupang Inkhawm atangin Special Item neiin Kohhran Zaipawl te an zai bawk a. Upa R. Lalropuia hnen atangin ‘Pathianin hun min pe’ tih thupui kan ngaithla a. Inkhawm banah kohhran mipuiten thingpui ruai kan changho a ni.
Google Drive album: Click rawh le.
Ni 31.12.2025 (Nilaini) zanah Kohhran hoten Kumhlui Thlah Zan programme hmangin sunna leh report hun hman a ni. Upa R. Lalropuia, Kohhran Chairman chu inkhawm hruaitu niin Upa R. Lalnghaka, Secretary chuan kohhran report a pe a. Kumin chhunga kan member boral mi 12 te sunna hun hman a niin an chanchin chhiar chhuah a nih dawnin an chhungte dintir an ni a. Kohhran ngaihhruina thilpek Upa Dr. R. Lalhmingthangan a pe a ni.
Google Drive album: Click rawh le.
