Pentikos Ni (2025-06-08) Naupang Sunday School chawhma inkhawmah Pre Beginner atanga Sacrament Department te Kohhran Hall-ah an inkhawm a. Pu C. Lalhriatpuia, Beginner Department Leader chu chairman niin Nl. H. Vanlalrinawmi, Zirtirtu, Intermediate Department chu tantu a ni a. Beginner Department ten ‘action song’ an neiin, Sacrament Department ten ‘special item’ an nei bawk a ni. NPSS lam Superintendent T. Upa H. Zasiaman ‘Thlarau Thianghlim Chungchang’ tih thupui a sawi bawk a ni.
Ni 8.06.2025 Pentikos Ni biak inpui chawhma inkhawmah Upa R. Lalhmingthanga chairman niin Pi Sanghmingthangi tantu a ni a. Pu Lalengzuala, Senior Department Leader-in thawhlawm hlanin Upa H. Lalthankhuma hnen atangin thupui awm sa ‘Thlarau Thianghlim – Sual Hriattirtu’ tih a sawi a. Chawhma biak inpui inkhawmah hian Puitling Sunday School leh Senior Department te an inkhawm ho a ni. Tuithumhnar Pastor Bialtu Rev. Lalbiakthanga a rawn inkhawm a, inkhawm ban dawnah malsawm tawngtainain min tin a ni.
Ni 01.06.2025 (Chawlhni) zanah Upa R. Lalhmingthanga chairman niin thawhlawm Upa Lalhmunsangan a hlan a. Kan kohhran atanga pastor a kalchhuak, Pastor Andrew Lalhruaitluanga, Patna South Bialtu chu thuhriltu niin an bial chhunga an rawngbawlna te a pek hnuah Pathian thuchah a sawi a. Pastor Hruaitea hi Pastor Retreat hmanga lo haw a ni. Inkhawm banah Synod-in Ruihhlo Ngaite Pual Camping (Neihbawih leh YRC)-a a buatsaih pualin kohhranhote kan tawngtairual a, Pu H. Lalhminglianan a kaihruai a ni.
Ni 18.05.2025 (Chawlhni) chawhnu inkhawmah kan Kohhran atanga Missionary Pi Rebecca Lalmuanpuii Sailo, Synod Mission Board-in thu a sawi a ni.
Ni 10.05.2025 (Inrinni) nilenga MSSU Trainer pathum te nena NPSS Zirtirtuten Training an neih zawh hnuin zan inkhawmah kohhran hote zingah rawngbawlna an neih chhunzawm a. He hunah hian Upa R. Lalropuian inkhawm hruaiin Nl. R. Lalrinhlui tantu a ni a.
MSSU Trainer pahnih Upa Lalchuailova leh Upa Zomuana Ralte ten tualchhungah zanriah eiin Upa Lalchuailova thuhrilhtu a ni a. He hunah hian naupang leh tleirawl zinga rawngbawlna pawimawhzia te a sawi a ni.