CHAWHMA: Vawiin ni 17.08.2025) chawhma inkhawmah Bial Programme-in Ruihhlo la ti lote venhimna Senior Department-ah neih a ni a. Upa R. Lalhmingthanga, Bial Treasurer Chairman niin Dr. RL Sanghlunan zirtirna hun a hmang a ni.

CHAWHNU: Chawhnuah Dr. RL Sanghluna leh a thiante – Pu Lalthlamuana, Durtlang Kohhran leh Dr. Laldinliana Sailo, Zemabawk North ten zirtirna hun an hmang leh a.

ZAN: Zan Inkhawmah Bialtu Pastor, Rev. C. Lalchhuanawma chu chairman niin thawhlawm Upa Lalnunmawia Hnamte, Bial Secretary (Sr.)-in a hlan a. Senior Department ten Pathian fakna hla sain Dr. RL Sanghlunan thuchah a sawi a ni.

Vawiin ni 10.08.2025 (Pathianni) zanah Bible Society of India Campaign neih a ni a. Upa K. Darthanga chairman niin thawhlawm te Speaker tawiawmtu Pu Dokungan a hlan a. Mizoram Synod ruahmannain Day of Prayer & Protest Day hmangin tawngtairual a ni a. Bethlehem Veng Pastor Bial zaipawl te zaiin Rev. Lalsangmuana, Bethlehem Veng & Executive Committee Member, BSI Aizawl South – II in campaign thuchah a sawi bawk a ni.

Hetiang BSI campaign programme tho hmang hian kan Kohhran Chairman, Upa R. Lalropuia chu Bethlehem North Kohhranah kalin Pu F. Hmingthansanga, Speaker, Milungngaite Thian Team chu ITI Veng Kohhranah a kal ve bawk a ni.

Vawiin ni 03.08.2025 (Chawlhni) chawhnu inkhawmah Bialtu Pastor C. Lalchhuanawman baptisma sacrament a buatsaih a, heng mite hian baptisma an chang a ni:

1. Matthew Rintlaka Ralte (11.2.2025) s/o Stephen Lalhmahruaia & Vansangkimi
2. Hailey Lalengsangi (26.5.2025) d/o K. Lallawmawma & Hmangaihzuali
3. Ruby Vanlalhmangaihzuali (16.12.2024) d/o Francis Zothansanga & Lalthangkungi
4. C. Vanlalpeki (27.12.2024) d/o Ramhmingthanga & Malsawmkimi
5. Andria C. Lalrinhlua (23.1.2025) s/o Benjamin Lalfamkima & Lalchhanchhuahi
6. Ricky R. Lalrempuia (30.3.2025) s/o Vanlalremruata Renthlei & B. Vanlalruati
7. Bennett V.L. Venhima (24.2.2025) s/o Liannuamsanga & R. Vanlalsawmi

Ni 27.07.2025 (Pathianni) zan inkhawmah Masihi Sangati Campaign neih a ni a. Upa Siliana chairman niin Pu Vanlalzuia a solo a. Venghlui Bial Masihi Sangati Zaipawl ten Pathian fakna hla sain Upa P.C. Vanlalruata, Venghlui chu thuhriltu/campaigner a ni.

Ni 27.07.2025 (Pathianni) chawhnu inkhawmah Bial Masihi Sangati programme hman a ni a. Upa Siliana chairman a niin Pi Lalhmangaihi tantu a ni a. Republic Bial Masihi Sangati Evangelist Pu Vanlalzuian thuchah sawiin Pi Mimi-in Pathian fakna hla a sa bawk a ni.