Ni 25.12.2025 (Ningani) chawhnuah Krismas programme hman chhunzawmin Upa H. Zasiama a chairman a. Pi Remthangi’n Bible chhiarin a tawngtai a. Pathianni Naupang Inkhawm leh Kohhran Pavalai Pawl te an zai a. Bialtu Pastor, Rev. C. Lalchhuanawma hnen atangin ‘Khawvel amah avanga an dam theih nan a lo piang’ tih thupui kan ngaithla a ni. Pastor hi a nupui Pi Lalramhlunin a rawn tawiawm bawk a ni.

Google Drive Album: Click rawh le.

Ni 25.12.2025 (Ningani) chawhmaah Kohhran hoten Krismas hun hlimawm tak kan hmang a. Upa Siliana chairman niin Pi Nubuangi a tan a. Kohhran zaipawl ten Pathian fakna hla mawi tak sain Upa F. Lalfakzuala’n “Pathian mihringah a lo chang” tih a sawi a ni. Kohhran inkhawm kan thahnemin inhnuai lama Kohhran Hall-ah pawh mipui an thu khat tlat a ni.

Google Drive Album: Click rawh le.

Ni 24.12.2025 (Nilaini) zanah Kohhran hoten Urlawk zan hmangin inkhawmah Upa H. Lalthankhuma a chairman a. Pi T. Hnemi tantu niin Senior Department atangin special item (Group Zai) ngaihthlak a ni a. Kohhran zaipawl ten Pathian fakna hla mawi tak sain Upa Dr. R. Lalhmingthangan thuchah a sawi a ni.

Ni 23.12.2025 zan dar 7:00-ah Kohhran Hall-ah Krismas Programme bul tan nan Lengkhawmpui (Thalai Zan) hman a ni a. Upa Lalhmunsangan hruaiin KTP Praise Group ten zaiho min hruai bawk a ni. Kohhran mipuiten kan ngaihluin zaiho a nuam hle. Ar bawp, samosa leh coffee te kan eiin kan inho bawk a ni.

Ni 14.12.2025 (Chawlhni) zanah kan Kohhranin kan lo chhawm dawl tawh Rawlbuk kohhran hruaitute kan mikhual a. Upa K. Darthanga chairman niin thawhlawm lakkhawm hlantu atan Upa Lalsangzuala, Rawlbuk Kohhran a sawm a. Ani bakah hian Upa C. Lalchhinga rawn inkhawmin anni kan mikhualte hi an nupui ten an rawn tawiawm theuh bawk a ni. Thuhriltu Pastor Lalnghakmawia Khiangte, Sangau Bialtu niin ani hi Ramhlun North leh Chanmari West lam atangin an rawn tawiawm bawk a ni.