Ni 01.01.2026 (Ningani) chawhmaah kohhran hoten Kumthar Ni programme hmangin Upa H. Lalthankhuma a chairman a. Pi Ngurnghakin Bible chhiarin a tawngtai a, Pathianni Naupang Inkhawm atangin Special Item neiin Kohhran Zaipawl te an zai bawk a. Upa R. Lalropuia hnen atangin ‘Pathianin hun min pe’ tih thupui kan ngaithla a. Inkhawm banah kohhran mipuiten thingpui ruai kan changho a ni.
Google Drive album: Click rawh le.
Ni 31.12.2025 (Nilaini) zanah Kohhran hoten Kumhlui Thlah Zan programme hmangin sunna leh report hun hman a ni. Upa R. Lalropuia, Kohhran Chairman chu inkhawm hruaitu niin Upa R. Lalnghaka, Secretary chuan kohhran report a pe a. Kumin chhunga kan member boral mi 12 te sunna hun hman a niin an chanchin chhiar chhuah a nih dawnin an chhungte dintir an ni a. Kohhran ngaihhruina thilpek Upa Dr. R. Lalhmingthangan a pe a ni.
Google Drive album: Click rawh le.
Hetiang hi kum 2025 chhunga kan Kohhranin thawhlawm kan thawh dan a ni:
Pathian ram: 97,71,880
Ramthar: 55,69,960
Tualchhung: 90,60,163
Biak In: 56,05,065
Chhawmdawlna: 12,72,998
Krismas & Kumthar: 9,25,705
TOTAL: 3,22,05,771
Ni 28.12.2025 (Pathianni) zanah inkhawm Upa H. Lalthankhuman hruaiin Upa R. Lalnghakan thuchah a sawi a ni. Krismas programme Lengkhawm neih a niin Pi Ramengin a hruai a ni.
Google Drive album: Click rawh le.